رہنما پیپلزپارٹی آصفہ بھٹو کا کہناہے کہ پیپلزپارٹی واحد جماعت ہے جو غریبوں کا سوچتی ہے۔دوسرے لوگ صرف نعروں کی سیاست کر رہے ہیں۔لاہور کے حلقہ پی پی 160 میں ورکرز کنونشن سے خطاب میں انہوں نے کہا کہ ہر کسی کو مفت علاج ملنا چاہیے،ہم نے سندھ میں ہسپتال بنائے جہاں لوگوں کا مفت علاج ہورہا ہے،سندھ میں سیلاب متاثرین کے لیے گھر بن رہے ہیں،جب ہم مل کر کام کریں گے دنیا کی کوئی طاقت ہمیں نہیں روک سکتی ہم مل کر پاکستان کی تقدیر بدلیں گے۔ان کا مزید کہنا تھا کہ صرف پیپلز پارٹی ہی لوگوں کو گھر دیتی ہے،صرف پیپلز پارٹی ہی آپ کی روٹی روزی کا سوچتی ہے،ہم آپ کی تنخواہ دگنی کردینگے،8 فروری کو تیر پر نشان لگا کر بلاول بھٹو کو موقع دیں۔
