نگران وزیراعظم انوار الحق کاکڑ نے وزیر تجارت گوہر اعجاز کو وفاقی وزیر داخلہ کا اضافی قلمدان بھی سونپ دیا۔نجی ٹی وی کے مطابق نگران وزیراعظم انوارالحق کاکڑ نے گوہر اعجاز کو نگران وفاقی وزیر داخلہ مقرر کرنے کی منظوری دیدی جس کے بعد کابینہ ڈویژن نے نوٹیفکیشن جاری کر دیا۔واضح رہے کہ اس سے قبل نگران وزیر داخلہ کے عہدے پر فائز سرفراز بگٹی نے 13 دسمبر کو نگران وزیراعظم کو استعفیٰ پیش کر دیا تھا۔
