شہر قائد کے علاقےتین تلوار پر پی ٹی آئی کی ریلی کے دوران ہنگامہ آرائی کرنے والےپی ٹی آئی رہنماؤں سمیت 14 کارکنان کی حفاظتی ضمانت کی درخواستوں کی سماعت سندھ ہائیکورٹ میں ہوئی۔عدالت نے پی ٹی آئی رہنماؤں و کارکنان کی حفاظتی ضمانت منظور کرلی،عدالت نے تفتیشی افسر کو پی ٹی آئی رہنماؤں و کارکنان کو گرفتار کرنے سے روک دیا،عدالت نے پی ٹی آئی رہنماؤں و کارکنان کو فی کس 30 ہزار روپے کے مچلکے جمع کرانے کا حکم دیدیا۔ضمانت کرانے والوں میں پی ٹی آئی رہنما ڈاکٹر مسرور سیال، آفتاب جہانگیر ، رابستان ، شکیل احمد و دیگرشامل ہیں۔ملزمان کے وکلا نے درخواست میں مؤقف اختیار کیا تھا کہ رہنماؤں و کارکنان کی نامعلوم ایف آئی آر میں گرفتاری کا خدشہ ہے،حفاظتی ضمانت منظور کی جائے۔
