گورنر سندھ کامران ٹیسوری نے شہر قائد کے نوجوان اور بے روزگار افراد کے لئے بڑا اعلان کر دیا ۔رپورٹ کے مطابق گورنر سندھ کامران ٹیسوری نے کراچی شہر کے نوجوانوں ور بے روزگار افراد کے لئے ”گورنر سندھ روزگار سکیم“ شروع کرنے کا اعلان کیا ہے۔اس سکیم کے تحت نوجوانوں، بے روزگار افراد کو روزگار شروع کرنے میں مدد فراہم کی جائے گی۔ گورنر سندھ نے کہا ہے کہ نوجوان روزگار کے لئے اپنے آئیڈیاز اور پرپوزل لائیں ہم ان سے تعاون کریں گے۔اسی حوالے سے کامران ٹیسوری نے معروف دانشور اور ادیب انور مقصود سے ملاقات کی جس میں انور مقصود نے گورنر سندھ بیروزگار سکیم کی حمایت کرنے کا اعلان کیا۔انور مقصود نے کہا کہ اس شہر میں بہت سے پڑے لکھے نوجوان بے روزگار ہیں اور روزگار کی کمی ہے۔ ہم سب کو مل کر اس صوبے کی ترقی اور غربت کے خاتمے کے لئے کام کرنا ہوگا۔گورنر سندھ کامران ٹیسوری نے کہا کہ اگر اس شہر کے لوگ روزگار سے لگ جائیں تو صوبے کے لئے اس سے بڑی کوئی بات نہیں ہوگی۔
