پاکستان ٹیم کے سابق کپتان شاہد آفریدی نے آئرلینڈ کے خلاف میچ میں پاکستانی بیٹرز فخر زمان اور محمد رضوان کی پرفارمنس کی تعریف کی ہے.سوشل میڈیا پر جاری بیان میں شاہد آفریدی نے کہا کہ ہمیں آئر لینڈ کے خلاف اس جیت کی ضرورت تھی، ویل ڈن ٹیم ! خاص طور پر جس طرح رضوان اور فخر زمان کھیلے۔رپورٹ کے مطابق انہوں نے ٹیم کو ہدایت دیتے ہوئے ٹویٹ میں مزید لکھا کہ ہمیں ورلڈکپ میں بھی اسی مائنڈ سیٹ کی ضرورت ہے، زیادہ تر بیٹرز کو اسی سٹرائیک ریٹ کے ساتھ کھیلنا ہے۔دوسری جانب شاہد آفریدی نے اپنے داماد اور فاسٹ بولر شاہین آفریدی کو 300 انٹرنیشنل وکٹیں لینے پر مبارکباد بھی پیش کی۔
