معروف شخصیت چاہت فتح علی خان کے گانے بدو بدی میں ان کے ساتھ دکھائی دینے والی ماڈل وجدان راؤ نے گلوکار سے متعلق ایک پریس کانفرنس میں بڑا انکشاف کردیا اور ساتھ ہی کہا کہ اس پریس کانفرنس کے بعد میری جان کو خطرہ ہوسکتا ہے۔ اگر مجھے کسی قسم کا کوئی نقصان ہوا تو اس کے ذمہ دار چاہت فتح علی خان ہوں گے۔حال ہی میں چاہت فتح علی خان کے مشہور گانے ’اکھ لڑی بدو بدی‘ نے یوٹیوب پر 27 ملین ویوز حاصل کیے تھے اور 28 ملین پر پہنچنے سے قبل ہی گانے کی ویڈیو یوٹیوب کی جانب سے ڈیلیٹ کردی گئی۔مذکورہ گانے سے جہاں چاہت فتح کی مقبولیت میں اضافہ ہوا وہیں ماڈل وجدان راؤ کو بھی اسی گانے کی بدولت شہرت حاصل ہوئی مگر بدقسمتی سے اسی گانے کے بعد خاتون ماڈل پر مشکل وقت آن پڑا اور ان کی نازیبا تصاویر سوشل میڈیا پر پھیلائی گئیں جس کا قصوروار وہ چاہت فتح کو قرار دے رہی ہیں۔رپورٹ کے مطابق وجدان نے بتایاکہ سوشل میڈیا پر ان کی تصاویر کو ذومعنی رُخ دے کر گانے کی مشہوری کیلئے اسکینڈل تیار کیا جا رہا ہے، اس ہتھکنڈوں کی وجہ سے ان کا ذہنی سکون برباد ہو گیا۔پریس کانفرنس میں ایک سوال کے جواب میں بدو بدی فیم گرل نے کہا کہ سوشل میڈیا پر میری جو تصاویر وائرل ہورہی ہیں وہ میرے اکاؤنٹ پر پہلے ہی سے موجود تھیں جنہیں میں نے ہی پوسٹ کیا تھا مگر چاہت فتح علی خان کے کہنے پر ان تصاویر کو غلط انداز میں بنا کر سوشل میڈیا پر وائرل کیا۔وجدان راؤ کا پریس کانفرنس میں کہنا تھا کہ چاہت فتح علی خان کے گانے سے مجھے شہرت حاصل ہوئی اور یہ بات انہیں ہضم نہ ہوئی۔ انہوں نے سنگین نتائج کی دھمکی دیتے ہوئے یہ بھی کہا کہ وہ نہیں چاہتیں کہ ڈاکٹر عامر لیاقت کی طرح کوئی سخت فیصلہ لیں۔
