شدید بارش کے باعث وزیر اعلیٰ مریم نواز نے انتظامیہ اور واسا حکام کو فیلڈ میں پہنچنے کا حکم دیا-وزیراعلی مریم نوازشریف نے کہا کہ عملہ اور افسر پانی کی نکاسی مکمل ہونے تک فیلڈ میں رہیں – وزیر اعلیٰ نے لاہور سمیت تمام شہروں میں نکاسی آب کے لئے فوری اقدامات کی ہدایت کی- وزیر اعلیٰ نے ریسکیو 1122 اور دیگر اداروں کو ہنگامی صورتحال کے خدشے کے پیش نظر پیشگی تیاری کا حکم دیا-وزیراعلیٰ نے کہاکہ مرکزی سڑکوں اور نشیبی علاقوں میں نکاسیٗ آب کے لیے بلا تعطل کام کیا جائے- مختلف شہروں میں مسلسل بارش سے پیدا شدہ صورتحال ہنگامی اقدامات کی متقاضی ہے۔بارش کے بعد سڑکوں بازاروں اور گلیوں میں پانی نظر نہیں آنا چاہیے – ٹریفک پولیس روڈز کو کلیر کرائے، ٹریفک جام نہیں ہونا چاہیے۔
