وزیراعظم شہباز شریف سے وفاقی وزیر داخلہ و انسداد منشیات محسن رضا نقوی نے ملاقات کی جس میں محرم الحرام کے دوران امن و امان کی صورتحال کے حوالے سے بات چیت کی گئی۔وزیراعظم نے محرم الحرام کے مہینے بالخصوص عاشورہ کے دوران صوبوں ، گلگت بلتستان اور آزاد جموں و کشمیر کی حکومتوں سے سیکیورٹی امور پر ہم آہنگی اور روابط مزید بہتر کرنے کی ہدایت کی۔ملاقات کے دوران وفاقی وزارت داخلہ سے متعلق دیگر امور پر بھی تبادلہ خیال ہوا،ملک کی مجموعی و سیاسی صورت حال پر بات چیت کی گئی۔
