جنوبی امریکا کے ملک پیرو میں مسافر بس کھائی میں گرنے سے درجنوں افراد ہلاک ہوگئے۔غیر ملکی میڈیا کے مطابق بس مسافروں کو لے کر دارالحکومت لیما سے جنوبی شہر آیاکوچو جارہی تھی کہ راستے میں توازن بگڑنے سے 650 فٹ کی بلندی سے کھائی میں جا گری۔انتظامیہ کا کہنا ہے کہ یہ واقعہ مقامی وقت کے مطابق صبح 5 بجے پیش آیا اور واقعے کی اطلاع ملتے ہی سرچ اینڈ ریسکیو آپریشن شروع کیا گیا۔انتظامیہ کے مطابق حادثے میں 29 افراد ہلاک اور 13 افراد زخمی ہوئے ہیں جنہیں علاج کیلئے فوری ہسپتال منتقل کیا گیا جبکہ بس کے کھائی میں گرنے کی وجوہات کا پتا لگایا جارہا ہے۔
