پولیس نے پراپرٹی ڈیلرکو اغواء کرکے 25 لاکھ روپے وصول کرنے کے الزام میں پولیس کے اسسٹنٹ سب انسپکٹرسمیت 5 اہلکاروں کیخلاف ڈکیتی اوراختیارات سےتجاوز کا مقدمہ درج کرلیا۔پولیس کے مطابق ڈیلرواجد علی کو حبس بےجا میں رکھ کرپیسے وصول کرنے کا واقعہ کاہنہ میں پیش آیا۔ اے ایس آئی عبد الرشید نے مبینہ طور پر ڈیلرکو گھرسے حراست میں لیا۔اہلکاروں نے تھانے لیجا کرتشدد کا نشانہ بنایا۔ اے ایس آئی نے زبردستی موبائل بینک ایپ سے رقم اپنے اکاؤنٹس میں منتقل کی۔ رقم منتقلی کے بعد جواء کروانے کا جھوٹا مقدمہ درج کرلیا گیا۔حکام کا کہنا ہے کہ ملزمان کے خلاف مقدمہ درج کرکے تفتیش جاری ہے۔ حقائق سامنے آنے پرمحکمانہ کارروائی عمل میں لائی جائے گی۔
