نیشنل ڈیزاسٹر مینجمنٹ اتھارٹی ( این ڈی ایم اے )نےحالیہ بارشوں کے باعث ہونے والے جانی نقصان سے متعلق رپورٹ جاری کردی۔نیشنل ڈیزاسٹر مینجمنٹ اتھارٹی کی رپورٹ کے مطابق ملک بھر میں یکم جولائی سے یکم اگست تک 96 افراد جان کی بازی ہار گئے، پنجاب میں سب سے زیادہ 39 اموات رپورٹ ہوئیں، سندھ میں بارشوں سے 22، خیبرپختونخوا میں 34 اموات رپورٹ ہوئیں جبکہ بلوچستان میں 3،کشمیر میں 3، گلگت بلتستان میں ایک شخص جاں بحق ہوا۔رپورٹ میں بتایا گیا ہے کہ بارشوں کے دوران 214 افراد زخمی ہوئے، بارشوں کے باعث 525 گھروں کو نقصان پہنچا، سب سے زیادہ جانی و مالی نقصانات کچی چھتیں اور دیواریں گرنے سے ہوا۔چھتیں گرنے سے 46 فیصد جبکہ بجلی گرنے سے 31 فیصد افرادجاں بحق ہوئے۔ این ڈی ایم اے رپورٹ کے مطابق گزشتہ 24 گھنٹے کے دوران 5 افراد جان کی بازی ہار گئے۔
