بنگلا دیش کی رہنما شیخ حسینہ نے دہلی سے تقریباً 30 کلومیٹر دور اتر پردیش کے غازی آباد میں ایئر فورس بیس پر اترنے کے بعد قومی سلامتی کے مشیر اجیت ڈوول سے ملاقات کی۔اس سے چند گھنٹے قبل 76 سالہ پانچ مرتبہ وزیر اعظم رہنے والی حسینہ واجد کو اس ملک میں سرکاری ملازمتوں کے کوٹے کے خلاف پرتشدد مظاہروں میں 300 سے زائد افراد کی ہلاکت کے بعد اپنے عہدے سے استعفیٰ دینا پڑا تھا۔بھارتی میڈیا کا بتانا ہے کہ شیخ حسینہ کی ملاقات کے تقریباً فوری طور پر لندن روانگی متوقع ہے۔شیخ حسینہ کا طیارہ – بنگلا دیشی فضائیہ کا ایک C-130 ملٹری ٹرانسپورٹ – ہندوستانی فضائیہ کے C-17 اور C-130J سپر ہرکولیس طیاروں کے ہینگروں کے قریب کھڑا ہوگا۔وزیر اعظم نریندر مودی کو وزیر خارجہ ایس جے شنکر نے بنگلا دیش کی صورتحال سے آگاہ کیا ہے۔ بھارتی وزیراعظم مودی حسینہ واجد سے ملاقات کریں گے یا نہیں اس بارے میں ابھی تک کوئی معلومات سامنے نہیں آسکی۔بھارت کی بارڈر سیکیورٹی فورس بنگلا دیش کے ساتھ ملک کی 4,096 کلومیٹر سرحد پر ہائی الرٹ پر ہے، فیلڈ کمانڈروں کو حکم دیا گیا ہے کہ وہ “زمین پر” پوزیشنیں لیں اور کسی بھی چیز کے لیے تیار رہیں۔ بھارتی ریلوے نے بنگلا دیش جانے والی تمام ٹرینوں کو روک دیا ہے اور ایئر انڈیا نے ڈھاکہ کے لیے اپنی روزانہ کی دو پروازیں منسوخ کر دی ہیں۔
