گورنر سندھ کامران خان ٹیسوری نے جسٹس نعمت اللہ پھلپھوٹو سے قائم مقام چیف جسٹس کا حلف لے لیا۔ حلف برداری کی تقریب گورنر ہاﺅس میں منعقد ہوئی۔
سندھ ہائیکورٹ کے سینئر جج جسٹس نعمت اللہ پھلپھوٹو نے بطور قائم مقام چیف جسٹس سندھ ہائیکورٹ کا حلف اٹھالیا۔تقریب حلف برداری میں سندھ ہائیکورٹ کے ججز، سینئر وکلا رہنما اور دیگر بھی شریک ہوئے۔سینئر جج جسٹس نعمت اللہ پھلپھوٹو چیف جسٹس شفیع محمد صدیقی کے بیرون ملک سے واپسی تک قائم مقام چیف جسٹس کے فرائض انجام دینگے۔
