کراچی:
دنیا میں آج سال کا پہلا مکمل چاند گرہن ہوگیا، آسمان سرخ رنگ کی روشنی سے منور ہوا جبکہ پاکستان میں دن ہونے کی وجہ سے چاندگرہن کا مشاہدہ نہیں ہوسکا۔
محکمہ موسمیات کے مطابق سال کا پہلا مکمل چاندگرہن آج ہوا، اس موقع پر آسمان سرخ رنگ کی روشنی سے منور ہو گیا تاہم دن ہونے کی وجہ سے پاکستان میں رواں سال کے پہلے چاند گرہن کو دیکھنا ممکن نہیں ہوا۔
یہ نظارہ شمالی اور جنوبی امریکا، پیسفیک، اٹلانٹک اور انٹارکٹیکا میں دیکھا گیا۔
محکمہ موسمیات کے مطابق پاکستانی وقت کے مطابق چاند گرہن کا آغاز صبح 8 بج کر57منٹ پر ہوا، مکمل چاندگرہن پاکستانی وقت کے مطابق صبح 11بج کر58 منٹ جبکہ گرہن کا اختتام 3بجے ہوا۔
زمین، سورج اور چاند کے درمیان میں آجائے تو چاند گرہن ہوتا ہے، یہ لگ بھگ 3 سال بعد پہلا مکمل چاند گرہن ہوا، ایسا آخری بار 2022 میں ہوا تھا۔
