ٹیکسلا میں کرشنگ سے پہاڑ سرک گیا،ایک مزدور جاں بحق جبکہ متعدد ملبے کی زد میں آگئے۔نجی ٹی وی چینل کے مطابق ٹیکسلا کے نواحی علاقے کھوئی میرا میں کرشنگ سے پہاڑ سرک گیا،پولیس ذرائع کاکہنا ہے کہ پہاڑ توڑنے کیلئے کرشنگ بلاسٹ کیاگیاتھا،دھماکے سے پہاڑ کا ایک حصہ سرک گیاجس کے نتیجے میں ایک مزدور جاں بحق ہو گیا، ذرائع کا مزید کہنا ہے کہ ریسکیو ٹیمیں طلب کرلی گئیں، خانپورپولیس بھی پہنچ گئی ،پولیس کا کہنا ہے کہ مشینری اور متعدد مزدور ملبے کی زد میں آگئے۔
