جہازوں کے جی پی ایس سگنلز میں خلل کے معاملے پر ترجمان سول ایوی ایشن کا بیان بھی سامنے آگیا۔ترجمان سول ایوی ایشن کا کہنا ہے کہ پاکستانی فضائی حدود میں طیاروں کو ایئر ٹریفک سروسز کی فراہمی معمول کے مطابق ہے۔سی اے اے کے ترجمان کی جانب سے کہا گیا ہے کہ سول ایوی ایشن اتھارٹی کے فراہم کردہ تمام زمینی آلات درست کام کررہے ہیں، 31 سیٹلائٹس کا ایک نیٹ ورک ہے جو زمین کے گرد چکر لگا رہا ہے۔یہ سیٹلائٹس صارفین کو پوزیشن، رفتار اور وقت سے متعلق درست معلومات دیتے ہیں۔یادرہے کہ لاہور اور کراچی کے درمیان طیاروں کو جی پی ایس سگنل میں دشواری کی اطلاعات سامنے آئی تھیں۔
