پنجاب کے سابق وزیر اعجاز عالم آگسٹن کی گاڑی پر موٹر سائیکل سواروں نے فائرنگ کر دی ، اعجاز عالم آگسٹن اور ان کا بھتیجا فائرنگ میں محفوظ رہے۔سابق صوبائی وزیرکا کہنا ہے کہ میری کسی سے کوئی دشمنی نہیں۔ میں نے کبھی جانبدار سیاست نہیں کی، لگتا ہے کہ ملزمان کسی واردات کے لیے آئے ہوں گے۔ایف آئی آر کے متن کے مطابق 2 موٹر سائیکل سواروں نے رائیونڈ روڈ ظفر کے پھاٹک کے قریب فائرنگ کی۔پولیس نے بتایا ہے کہ واقعے کا جائزہ لیا ہے، ملزمان کو تلاش کر رہے ہیں۔
