سول جج قدرت اللہ کی عدالت نے چیئرمین پی ٹی آئی عمران خان، بشریٰ بی بی کے خلاف غیرشرعی نکاح کیس میں آئندہ سماعت پر وکیل صفائی شیر افضل مروت سے دلائل طلب کرلیے۔تفصیلات کے مطابق سماعت کے دوران پراسیکیوٹر رضوان عباسی عدالت پیش ہوئے جبکہ چیئرمین پی ٹی آئی کے وکیل شیرافضل مروت عدالت پیش نہیں ہوئے، معاون وکیل نے عدالت کو بتایاکہ چیئرمین پی ٹی آئی کے وکیل شیر افضل مروت اسلام آباد ہائیکورٹ میں مصروفیات کے باعث پیش نہیں ہوئے،دوران سماعت پراسیکیوٹر رضوان عباسی نے غیرشرعی نکاح سے متعلق اعلیٰ عدلیہ کے مختلف فیصلے عدالت میں جمع کروائے اور کہاکہ دورانِ عدت کوئی خاتون نکاح کرے تو خاتون کی جانب سےقانون کی خلاف ورزی ہے،طلاق کے بعد عدت کا دورانیہ مکمل کرنا ضروری ہے،دورانِ عدت نکاح غیرشرعی نکاح کے زمرے میں آتا ہے،غیرشرعی نکاح کو قانونی قرار نہیں دیا جاسکتا،کوئی بھی عدالتی فیصلہ نہیں کہتا کہ دوران عدت نکاح جائز ہے، غیر شرعی نکاح کیس کی سماعت کے لیے 22 اکتوبر کی تاریخ دے دیں،معاون وکیل نے کہاکہ شیر افضل مروت نے بیرون ملک جاناہے، پوچھ کر عدالت کو آگاہ کرتا ہوں،عدالت نےسماعت میں وقفہ کر دیا.دوبارہ سماعت شروع ہونے پر بھی شیر افضل مروت ایڈووکیٹ عدالت پیش نہ ہوئے، عدالت نے شیر افضل مروت کو آئندہ سماعت پر کیس کے قابل سماعت ہونے پر دلائل دینے کی ہدایت کرتے ہوئے سماعت 23 اکتوبر تک کیلئے ملتوی کردی۔
