صدرمملکت ڈاکٹر عارف علوی اور اسپیکر قومی اسمبلی راجہ پرویز اشرف نے سفید چھڑی کے عالمی دن کے موقع پر خصوصی پیغامات جاری کیے ہیں۔صدر عارف علوی نے کہا ہے کہ یہ دن منانے کا مقصد بینائی سے محروم افراد پر اجتماعی توجہ مرکوز کرنا ہے۔میں سب سے اپیل کرتا ہوں کہ بصارت سے محروم افراد کاخصوصی احساس کریں۔ہمیں بصارت سے محروم افراد کو درپیش مسائل سے نمٹنے کے لیے کوششیں تیز کرنے کی ضرورت ہے۔اسپیکر قومی اسمبلی راجہ پرویز اشرف نے اس عالمی دن کے موقع پر کہا کہ بصارت سے محروم افراد کےحقوق کا تحفظ اور سہولتوں کی فراہمی اجتماعی ذمے داری ہے۔بصارت سے محروم افراد بے پناہ صلاحیتوں کے مالک ہوتے ہیں، بصارت سے محروم افراد ملک کی تعمیر و ترقی میں اہم کردار ادا کر سکتے ہیں۔بصارت سے محروم افراد کی محرومی انہیں آگے بڑھنے سے نہیں روک سکتی۔
