معصوم بچے دستی بم کو کھلونا سمجھ کر کھیل رہے تھے جو زورداردھماکے سے پھٹ گیا

خضدار میں دستی بم بچوں کے ہاتھوں میں پھٹ گیا، ایک جاں بحق، 10 زخمی ہو گئے۔نجی ٹی وی کے مطابق دلسوز واقعہ تحصیل وڈھ میں پیش آیا جہاں بچے کھیلنے کیلئے گھروں سے باہر نکلے تو انہیں دستی بم پڑا ملا۔ معصوم اسے کھلونا سمجھ کر کھیلنے لگے، انہیں کیا پتہ جس سے وہ کھیل رہے ہیں وہ ان کی موت کا سامان ہے۔ایک دوسرے کو کیچ پکڑاتے ہوئے دستی بم زوردار دھماکے سے پھٹ گیا جس سے ایک بچے کے چیتھڑے اڑ گئے جبکہ 10 شدید زخمی ہو گئے جنہیں ہسپتال منتقل کر دیا گیا۔

اپنا تبصرہ بھیجیں