سابق وزیراعظم نوازشریف کادبئی سے آنے والا خصوصی طیارہ اسلام آباد ائیرپورٹ پر لینڈ کر گیا۔نجی ٹی وی کے مطابق نوازشریف 4 سال بعد پاکستان پہنچ گئے ہیں۔ اسلام آباد ایئرپورٹ پر العزیزیہ اور ایون فیلڈ ریفرنسز میں نوازشریف کی اپیلیں بحال کرنے کی درخواستیں دائر کرنے کیلئےوکلا درخواستوں پر ان کے دستخط کروائیں گے.بتایا گیا ہے کہ نواز شریف اسلام آباد ائیرپورٹ کے سٹیٹ لاونج میں پہنچ کر آرام کریں گے جس کے بعد وکلا ان سے دستخط لیں گے۔ لیگل ٹیم سابق وزیراعظم کو ریفرنسز سے متعلق بریفنگ بھی دے گی۔نوازشریف درخواستوں پر دستخط کے بعد لاہور روانہ ہو جائیں گے۔سابق وزیر خزانہ،اسحاق ڈار، بیرسٹر ظفر اللہ سمیت دیگر رہنما اسلام آباد ائیرپورٹ پہنچ گئے ہیں جو نوازشریف کے ہمراہ لاہور جائیں گے۔
