نہتے فلسطینیوں پر مظالم میں امریکہ نے اسرائیل کی پشت پناہی میں ایک قدم اور آگے بڑھاتے ہوئے اسرائیلی شہریوں کو بغیر ویزہ داخلہ دینے کا اعلان کر دیا۔ ڈیلی پاکستان گلوبل کے مطابق امریکی حکومت کی طرف سے ہنگامی طور پر اسرائیلی شہریوں کے لیے ایک خصوصی پروگرام شروع کیا گیا ہے، جس کے تحت وہ ویزے کے بغیر امریکہ جا سکتے ہیںا ور ویزے کی درخواست دیئے بغیر90دن تک وہاں قیام کر سکتے ہیں۔اسرائیلی شہریوں کے لیے اس پروگرام کا اعلان 27ستمبر کو کیا یا تھا اور اس پر عملدرآمد بعد ازاں ہونا تھا لیکن حماس اور اسرائیل کے تصادم کے ہنگام اس پروگرام پر مقررہ تاریخ سے پہلے ہی عملدرآمد شروع کر دیا گیا ہے۔ اس پروگرام کے تحت وہی اسرائیلی شہری بغیرویزے کے امریکہ میں داخل ہو سکیں گے جن کے پاس اسرائیل کا بائیومیٹرک تصدیق شدہ پاسپورٹ ہو گا۔
