بھارت میں بھارتی جنتاپارٹی کے اقتدار میں آنے کے بعد سے اب تک 25 لاکھ کروڑ روپےکا قرض معاف کرائے جانے کا انکشاف ہوا ہے۔بھارتی میڈیا کے مطابق نریندر مودی کی حکومت میں معاف کرائےگئے قرضےکانگریس حکومت کے 10سالہ دور سے 810 فیصد زیادہ ہیں، معاف کرائے گئے قرضےپارلیمنٹ میں ظاہر کردہ اعداد و شمار سے بھی زائد ہیں۔ رپورٹ کے مطابق بھارتی حکومت کے قرضوں کا انکشاف ایک بھارتی شہری نے رائٹ ٹو انفارمیشن ایکٹ کے تحت ڈیٹاکےحصول کے بعدکیا، مودی سرکار نے 10.41 لاکھ کروڑ بھارتی روپے پبلک بینک سے معاف کرائے۔ اس کےعلاوہ حکومت نے 14.53 لاکھ کروڑ کے قرضےکمرشل بینک سےمعاف کرائے، بھارتی بینک مودی سرکارکو دیےگئےقرضوں کا صرف 10فیصد ہی وصول کرپائے۔بھارتی میڈیا کا بتانا ہےکہ مودی سرکار نے ریزروبینک سے سالانہ اوسط2.72 لاکھ کروڑ کے قرضے معاف کرائے۔
