ورلڈکپ میں مسلسل 5ویں فتح کے بعد کپتان روہت شرما سمیت کئی بھارتی کھلاڑی چھٹی پر چلے گئے ہیں، اس دوران بھارتی کرکٹ بورڈ نے اپنے کھلاڑیوں پر نئی پابندی لگا دی ۔ بھارتی میڈیا کے مطابق بورڈ آف کنٹرول فار کرکٹ ان انڈیا (بی سی سی آئی ) نے انجری کےخطرے کے پیش نظرکھلاڑیوں کےٹریکنگ اور پیراگلائیڈنگ پرپابندی لگائی ہے۔جبکہ دوسری جانب بھارتی ٹیم کے کوچ راہول ڈریوڈ اور بیٹنگ کوچ وکرم راٹھور نے ٹریکنگ کی اور اس کی ویڈیو بھی جاری کی گئی ہے ۔بھارتی کرکٹ بورڈ کے مطابق ورلڈکپ کے دوران کھلاڑی پیراگلائیڈنگ میں حصہ نہیں لیں گے، پیراگلائیڈنگ کرنا کھلاڑیوں کے کنٹریکٹ کی خلاف ورزی ہوگی۔ ٹیم مینجمنٹ نے کھلاڑیوں کو ٹریکنگ پر پابندی سے متعلق بھی آگاہ کیا۔ بی سی سی آئی نے کھلاڑیوں کو 2 دن آرام کے لیے دیئے ہیں، بریک ملتے ہی بھارتی ٹیم کے 6 کھلاڑی فیملیز کے پاس چلے گئے جبکہ بھارتی ٹیم کا کوچنگ اور سپورٹ سٹاف دھرمشالا میں ٹریکنگ کرتا رہا۔
https://x.com/BCCI/status/1717025936812753404?s=20
واضح رہے کہ ورلڈکپ میں بھارتی ٹیم ورلڈکپ میں 10 پوائنٹس کے ساتھ سر فہرست ہے اور بلیو شرٹس اپنا اگلا میچ 29 اکتوبر کو انگلینڈ کےخلاف کھیلیں گے۔
