امریکی فوجی دستے غزہ یا اسرائیل بھیجے جائیں گے یا نہیں ؟ اس حوالے سے امریکی نائب صدر کمالہ ہیرس نے واضح الفاظ میں بتا دیا۔غیر ملکی میڈیا کو دیئے گئے انٹرویو میں امریکہ کی نائب صدر کمالہ ہیرس کا کہنا تھا کہ” امریکی فوجی دستے غزہ یا اسرائیل بھیجنے کا کوئی ارادہ نہیں، بغیر کسی سوال و جواب کے میں یہ کہنا چاہوں گی کہ اسرائیلیوں کو اپنے دفاع کا حق حاصل ہے”۔ امریکی نائب صدر کمالہ ہیرس نے امریکی فوجی دستوں کی غزہ یا اسرائیل روانگی کو خارج از امکان قرار دے دیااور کہا خطے میں بڑھتے تشدد کے اس ماحول میں امریکہ کا غزہ یا اسرائیل میں اپنی فوج بھیجنے کا کوئی ارادہ نہیں۔قطعی طور پر ہمارے ایسے کوئی ارادے نہیں اور نہ ہی اس حوالے سے کوئی منصوبہ بندی زیر غور ہے کہ کسی خاص مدت کے لیے اسرائیل یا غزہ میں امریکی فوجی دستوں کو اتارا جائے۔ ایک اندازے کے بعد اب تک 1400 اسرائیلی مارے گئے ہیں، بغیر کسی سوال و جواب کے میں یہ کہنا چاہوں گی کہ اسرائیلیوں کو اپنے دفاع کا حق حاصل ہے۔کمالہ ہیرس نے مزید کہنا تھا کہ فلسطینی شہری حفاظت، سیکیورٹی اور حق خودارادیت کے لیے یکساں اقدامات کے حقدار ہیں جب کہ ہم بہت واضح ہیں کہ جنگی اصولوں پر ہر صورت عمل کیے جانا چاہیے، انسانی امداد کی ترسیل بھی ہونی چاہیے۔
