وفاقی کابینہ نے پاکستان اسٹیل ملز کو نجکاری پروگرام سے نکالنے کی منظوری دے دی۔نگران وزیر اطلاعات مرتضیٰ سولنگی نے بتایا کہ وفاقی کابینہ نے پاکستان اسٹیل ملز کارپوریشن کو نجکاری پروگرام سے نکالنے کی منظوری دے دی ہے،ایک نجی ایئرلائن کو بین الاقوامی روٹس پر آپریشنز کی منظوری بھی دے دی گئی، تاجکستان اور پاکستان کے درمیان تعاون کے پروٹوکول پر دستخط کی منظوری بھی دی گئی ہے۔وزیر اطلاعات نے مزید کہا کہ یہ منظوری صنعتی اشیاء اور خدمات کے شعبے میں درآمدات و برآمدات بڑھانے کیلئے ہے۔
