آئی سی سی ورلڈ کپ میں پاکستان اور بنگلہ دیش کی ٹیمیں آج کولکتہ کے ایڈن گارڈن سٹیڈیم میں مدمقابل ہوں گی.ورلڈ کپ کے اہم میچ میں بنگلہ دیش کے خلاف قومی کرکٹ ٹیم میں 2 تبدیلیوں کا امکان ہے، اوپنر امام الحق کی جگہ فخر زمان کو شامل کیا جاسکتا ہے،فاسٹ بولر وسیم جونیئر کی جگہ حسن علی کی ٹیم میں واپسی ہوگی، نائب کپتان شاداب خان انجرڈ ہیں ان کی جگہ اسامہ میر بدستور ٹیم کا حصہ ہوں گے۔واضح رہے کہ جنوبی افریقہ کے خلاف میچ میں اسامہ میر نے بطور کنکشن ری پلیسمنٹ شاداب خان کی جگہ لی تھی۔یاد رہے پاکستان نے ورلڈ کپ میں 6میچز کھیلے ہیں، گرین شرٹس کو مسلسل4 میچز میں شکست کا سامنا کرنا پڑا جبکہ صرف 2 میچز میں کامیابی حاصل ہوئی۔بنگلہ دیش کی ٹیم کو 6 میں سے5 میچز میں شکست کا سامنا کرنا پڑا اور صرف 1 میچ میں کامیابی حاصل کی ہے۔
