غزہ میں اسرائیلی بمباری سے ہر روز 420 سے زائد معصوم فلسطینی بچے شہید یا زخمی ہو رہے ہیں۔ اقوام متحدہ کے ادارہ برائے اطفال یونیسیف نے دل دہلا دینے والے اعدادوشمار جاری کر دیئے۔ “جیو نیوز ” کے مطابق یونیسیف کی جانب سے غزہ میں جاری اسرائیلی جارحیت کے باعث مرنے والے بچوں سے متعلق اعداد و شمار جاری کیے گئے ہیںجن میں بتایا گیا ہے کہ غزہ میں ہر 10 منٹ میں ایک بچہ شہید ہو رہا ہے۔ غزہ میں ہر روز 420 سے زائد بچے اسرائیلی بمباری سے شہید یا زخمی ہو رہے ہیں۔
100انڈیکس6سال 5ماہ بعد 52ہزار پوائنٹس کی سطح عبور کرگیا
واضح رہے کہ 7 اکتوبر کے بعد سے اسرائیلی کی جانب سے فلسطینیوں پر جارحیت کا سلسلہ جاری ہے، اسرائیل نے فلسطین پر زمینی اور فضائی دونوں راستوں سے حملے کیے ہیں جس میں اب تک شہید فلسطینیوں کی تعداد 8400 سے زائد ہوگئی ہے جن میں بڑی تعداد معصوم بچوں کی ہے۔اسرائیلی بمباری سے 23 ہزار سے زائد فلسطینی زخمی ہیں جب کہ شہدا ءمیں 73 فیصد بچے، خواتین اور عمر رسیدہ افراد ہیں۔
