لاہور ہائیکورٹ میں تحریک انصاف کے صدر پرویز الٰہی کی بازیابی کیلئے متفرق درخواست دائر کر دی گئی،متفرق درخواست پرویز الٰہی کے وکیل طاہر نصراللہ وڑائچ نے دائر کی۔نجی ٹی وی چینل کے مطابق درخواست میں موقف اختیار کیاگیا ہے کہ پرویز الٰہی کو جوڈیشل مجسٹریٹ نے گزشتہ روز رہا کرنے کا حکم دیا، عدالتی حکم کے باوجود پرویز الٰہی کو رہا نہیں کیا گیا، درخواست میں استدعا کی گئی ہے کہ لاہور ہائیکورٹ پرویز الٰہی کو عدالت پیش کرنے کا حکم دے،عدالت پرویز الٰہی کو بازیابی کے بعد رہا کرنے کا حکم دے ۔
