احتساب عدالت نے سابق وفاقی وزیر مونس الہی کے ناقابل ضمانت وارنٹ جاری کر دیئے۔ ترقیاتی منصوبوں میں مبینہ کرپشن تحقیقات کیلئے لاہور کی احتساب عدالت نے نیب کی درخواست پر 5 اکتوبر تک وارنٹ جاری کئے ہیں۔ نیب کی درخواست میں موقف اختیار کیا گیا کہ چیئرمین نیب نے 11 اگست کو مونس الہیٰ کا وارنٹ جاری کیا، ان سے ترقیاتی منصوبوں میں مبینہ کرپشن کیلئے تحقیقات کرنی ہیں جس کیلئے ان کی حوالگی ضروری ہے۔احتساب عدالت نیب کی درخواست منظور کرتے ہوئے مونس الہیٰ کے ناقابل ضمانت وارنٹ جاری کر دیئے۔یہ امر قابل ذکر ہے کہ مونس الہیٰ کے والد پرویز الہیٰ جو تحریک انصاف کے صدر بھی ہیں، ان دنوں پولیس حراست میں ہیں۔
