امیر جماعت اسلامی سراج الحق کا کہنا کہ کراچی کی ترقی اور خوشحالی ملک کی خوشحالی کی ضمانت ہے۔ بدقسمتی سے یہ شہر مسائل میں گھرا ہے۔ کراچی میں پریس کانفرنس کے دوران سراج الحق نے کہا کہ شہری مسائل کا حل بلدیاتی نظام میں ہے۔ ابھی تک بلدیاتی نمائندوں کو اختیارات منتقل نہیں ہوئے ہیں۔ پیپلز پارٹی کی حکومت نے اختیارات منتخب بلدیاتی نمائندوں کے حوالے نہیں کیے۔ یہ صورتحال نگران دور حکومت میں بھی برقرار ہے۔ انہوں نے کہا کہ نگران وزیر اعلیٰ مقبول باقر سے زیادہ آئین و قانون کون جانتا ہے۔ نگران وزیراعلیٰ سے مطالبہ ہے کہ منتخب بلدیاتی نمائندوں کو اختیارات منتقل کریں۔ اب تک یو سی اور ٹاؤن ناظمین کو اختیارات نہیں سونپے گئے۔ ماضی کی حکومتوں نے آئین پر کبھی عمل نہیں کیا۔
