امریکہ کا جدید ترین جنگی طیارہ مشرقی بحیرہ روم میں پرواز کے دوران گر کر تباہ ہو گیا۔نجی ٹی وی کےمطابق امریکی فوج کی یورپی کمان کی جانب سے بتایا گیا کہ جنگی طیارہ تربیتی پرواز کر رہا تھا کہ اچانک گر کر تباہی سے دوچار ہو گیا جس پر تحقیقات شروع کر دی گئیں۔ مرنے والے پائلٹوں کے حوالے سے تفصیلات فراہم نہیں کی گئیں۔یہ امر قابل ذکر ہے کہ امریکہ کے 2 طیارہ بردار بیڑے بحیرہ روم میں تعینات ہیں جو اسرائیل اور حماس کی جنگ میں اپنے اتحادی اسرائیل کو اسلحہ سمیت تعاون فراہم کرنے کے مشن پر ہیں۔
