اسرائیلی وزیراعظم نیتن یاہو کی زیرصدارت ہنگامی اجلاس میں فلسطینی مزاحمتی تنٹیم حماس کے حملوں کا جائزہ لیا گیا۔نجی ٹی وی کےمطابق اسرائیل نے فلسطین میں بمباری کا اعلان کر دیا، وزیراعظم نیتن یاہو کی سربراہی میں ملٹری ہیڈ کوارٹرز میں ہونے والے اجلاس میں غزہ سے ہونے والے راکٹ حملوں سے نقصانات کا جائزہ لیا گیا اور جوابی کارروائی پر غور کیا گیا۔بتایا گیا ہے کہ اسرائیلی فوج نے دعویٰ کیا کہ 7 مقامات پر فلسطینی جنگجوؤں سے لڑائی ہو رہی ہے۔ جنگجووں نے زمینی ، فضائی اور سمندری راستوں سے حملے کئے۔ ملک بھر میں ہنگامی حالات کا اعلان کر دیا گیا، سائرن بجائے جا رہے ہیں۔ ادھر فلسطین کے علاقے غرب اردن میں شہریوں نے اسرائیل پر حماس کے حملوں کا خیر مقدم کیا اور مختلف شہروں میں جشن کا سا سماں ہے۔ واضح رہے کہ حماس نے اسرائیلی مظالم کے خلاف الاقصیٰ فلد آپٌریشن کا اعلان کیا ہے۔
