بھارت میں کانگریس پارٹی کی جنرل سیکرٹری پریانکا گاندھی نے بھی فلسطینیوں کی حمایت کردی ۔سماجی رابطوں کی ویب سائٹ ایک (سابقہ ٹوئٹر)پر انہوں نے لکھا کہ غزہ میں 10 ہزار شہریوں کا قتلِ عام کیا گیا جن میں تقریباً 5 ہزار بچے شامل ہیں۔غزہ میں صورتحال ہولناک اور شرمناک کے الفاظ سے آگے بڑھ چکی ہے۔غزہ میں پناہ گزینوں کے کیمپوں، اسپتالوں اور ایمبولینسز پر بمباری کی گئی۔پریانکا گاندھی نے مزید لکھا کہ نام نہاد آزاد دنیا کے رہنما فلسطین میں نسل کشی کی مالی معاونت اور حمایت جاری رکھے ہوئے ہیں۔بین الاقوامی برادری کو جنگ بندی جیسا اقدام فوری طور پر کرنا چاہیے، جنگ بندی نہ ہوئی تو عالمی برادری کے پاس کوئی اخلاقی جواز نہیں بچے گا۔
