پاکستان اور بین الاقوامی بلین مارکیٹ میں سونے کی قیمتوں میں نمایاں اضافہ دیکھا گیا۔ جمعہ کو عالمی سطح پر سونے کی قیمت 21 ڈالر فی اونس بڑھ کر 2,661 ڈالر تک پہنچ گئی۔
اس اضافے کی وجہ سے مقامی سونے کی قیمتوں میں اسی حد تک اضافہ ہوا۔ پاکستان کی مقامی مارکیٹوں میں 24 قیراط سونے کی فی تولہ قیمت 2100 روپے اضافے سے 277300 روپے تک پہنچ گئی۔
اسی طرح 10 گرام سونے کی قیمت 1800 روپے اضافے سے 237740 روپے تک پہنچ گئی۔
اس کے برعکس چاندی کی قیمت میں کوئی تبدیلی نہیں ہوئی، 1 تولہ چاندی کی قیمت 3,400 روپے اور 10 گرام چاندی کی قیمت 2,914.95 روپے پر مستحکم رہی۔
یہ اضافہ گزشتہ روز سونے کی قیمتوں میں کمی کے بعد ہوا ہے، جب سونے کی بین الاقوامی قیمت 7 ڈالر کم ہو کر 2,640 ڈالر تک پہنچ گئی تھی۔
جس کے نتیجے میں مقامی صرافہ مارکیٹوں میں 700 روپے کی کمی ریکارڈ کی گئی، ایک تولہ سونے کی قیمت 275200 روپے تک گر گئی۔
