گال انٹرنیشنل کرکٹ اسٹیڈیم میں پاکستان اور سری لنکا کے درمیان پہلے ٹیسٹ کے تیسرے روز کا کھیل تاخیر کا شکار ہے۔ گال میں اس وقت بارش ہورہی ہے جس کے سبب میچ کا آغاز نہیں ہوسکا، بتایا جارہا ہے کہ بارش ہلکی ہے لیکن فیلڈ گیلی ہونے کی وجہ سے کھیل تاخیر کا شکار ہے۔ پاکستان اور سری لنکا کے درمیان گال ٹیسٹ کے دوسرے روز سری لنکا کے 312 رنز کے جواب میں پاکستان نے 5 وکٹوں کے نقصان پر 221 رنز بنائے، آج تیسرے روز کھیل کا آغاز سلمان علی آغا اور سعود شکیل کریں گے۔ سلمان نے 84 گیندوں پر 61 جب کہ سعود شکیل نے 88 گیندوں پر 69 رنز اسکور کیے ہیں۔
