بھارتی بورڈ نے ٹیسٹ میچ کیلئے کرکٹرز کا معاوضہ بڑھانے کا اعلان کر دیا۔ بھارٹی بورڈ کے سیکرٹری جے شاہ کا سماجی رابطے کے پلیٹ فارم ایکس پر کہنا تھا کہ سیزن میں اگر کوئی کھلاڑی 5یا6 ٹیسٹ کھیلتا ہے تو اسے 30 لاکھ بھارتی روپے فی میچ اضافی ملیں گے، اگر 9 ٹیسٹ میچز ہوتے ہیں اور کوئی کھلاڑی 50 فیصد سے کم ٹیسٹ کھیلتا ہے تو مذکورہ سکیم لاگو نہیں ہو گی۔ انہوں نے مزید کہا کہ ٹیسٹ میچ کی 11 رکنی ٹیم کا حصہ نہ ہونے پر ہر میچ کے 15 لاکھ روپے دیئے جائیں گے، کرکٹر 7 یا 8 ٹیسٹ کھیلتا ہے تو 45 لاکھ بھارتی روپے ہر میچ کے دیئے جائیں گے، نان پلیئنگ ممبر کو ساڑھے 22 لاکھ بھارتی روپے دیئے جائیں گے۔
