امیرِ جماعتِ اسلامی کراچی حافظ نعیم الرحمٰن نے غزہ میں مسلسل بمباری پر امریکہ کو کڑی تنقید کا نشانہ بنا ڈالا ۔ اپنی پریس کانفرنس میں فلسطین کی صورتِ حال پر بات کرتے ہوئےانہوں نے کہا کہ غزہ میں مسلسل بمباری ہو رہی ہے، امریکا اسرائیل کی سرپرستی کر رہا ہے فلسطینی بچوں اور خواتین کی شہادت سے امریکا کو کوئی فرق نہیں پڑ رہا۔ اب تک 11 ہزار فلسطین اسرائیلی بمباری سے شہید ہوئے ہیں۔واضح رہے کہ فلسطینی وزارت صحت کی جانب سے جاری اطلاعات کے مطابق اسرائیلی بمباری سے شہید فلسطینیوں کی تعداد 10 ہزار 812 ہو گئی ہے۔ غزہ کے شہداء میں 4 ہزار 412 بچے بھی شامل ہیں۔
