عوامی نیشنل پارٹی(اے این پی)کے ناراض رہنماعدنان جلیل نے پیپلزپارٹی میں شامل ہونے کا فیصلہ کیا ہے،عدنان جلیل اسی ہفتے آصف زرداری سے ملاقات میں پارٹی میں شامل ہونے کا اعلان کریں گے،اے این پی نے بھی مرحوم رہنما حاجی عدیل کے بیٹے عدنان جلیل کو منانے کیلئے جرگہ بھیجاتھا۔نجی ٹی وی چینل کے مطابق عدنان جلیل نے گفتگو کرتے ہوئے کہاکہ آصف زرداری اور بلاول بھٹو نے پیار اور عزت دی،آصف زرداری اور بلاول بھٹو کے پیار کے سبب پی پی میں جانے کا فیصلہ کیا،عدنان جلیل نے کہاکہ وزارت کے دوران ایمل ولی نے کرپٹ افسر کو سپورٹ کرنے کا کہا جس پر انکار کیا،کرپٹ افسر کو سپورٹ سے انکار پر پارٹی قیادت خفا ہوئی اور وزارت سے ہٹا دیا گیا۔یاد رہے کہ عدنان جلیل نے پی کے 81 سے کاغذات نامزدگی جمع کرا رکھے ہیں۔
