سیشن جج کوئٹہ نے قائد آباد کے علاقے میں لڑکیوں کی نازیبا ویڈیو بنانے کے کیس میں دو ملزمان کو بری کرنے کا حکم جاری کر دیا ہے ۔تفصیلات کے مطابق عدالت نے فیصلہ سناتے ہوئے کہا کہ استغاثہ ویڈیو سکینڈل کیس میں مقدمہ کو ثابت نہیں کرپائی ،کسی معقول شک و شبہ سے بالا تر الزام لگایا گیا،اپیل کنندگان کیس میں الزام سے بری ہیں،ٹرائل کورٹ کا ناقص فیصلہ قابل اعتماد نہیں ہے ۔وکیل ایاز ظہور کا کہناتھا کہ سیشن کورٹ نے کیس میں ٹرائل کورٹ کے فیصلے کو مسترد کر دیا ہے ۔یاد رہے کہ جوڈیشل مجسٹریٹ سیہون نے گزشتہ سال نازیبا ویڈیو مقدمے کا فیصلہ سنا یا تھا ، دو مرکزی کرداروں ہدایت اللہ اور خلیل کو تین تین سال قید کی سزا سنائی تھی ،کورٹ نے دونوں ملزمان کو پانچ پانچ لاکھ روپے جرمانے کا بھی حکم دیا تھا .واضح رہے کہ ملزمان پر 27 سمبر 2021 کو ایک لڑکی کو قید کرکے نازیبا ویڈیو بنانےاور مزید لڑکیوں کی مبینہ نازیبا ویڈیوز برآمد ہونے کاالزام تھا ۔
