برطانیہ نے حال ہی میں اپنی ویزا پالیسیوں میں اہم تبدیلیوں کا اعلان کیا ہے جس کا مقصد خلیج تعاون کونسل (جی سی سی) ممالک اور اردن کے شہریوں کے لیے داخلے کو آسان بنانا ہے۔برطانوی حکومت کی جانب سے جاری کردہ ایک بیان میں انکشاف کیا گیا ہے کہ یہ ممالک 2024 تک الیکٹرانک ٹریول پرمٹ سسٹم پر منتقل ہو جائیں گے۔اس نظام کے تحت خلیجی ممالک بشمول بحرین، سعودی عرب، کویت، عمان، قطر، امارات اور اردن کے باشندوں کو اب برطانیہ میں داخلے کے لیے وزٹ ویزے کی ضرورت نہیں ہوگی۔ وزٹ ویزا حاصل کرنے کی ضرورت کو ختم کرتے ہوئے، ایک الیکٹرانک ٹریول اتھورائزیشن (ETA) سسٹم کی طرف پیش قدمی داخلے کے عمل کو آسان بنانے کے لیے تیار ہے، ویزا سے استثنیٰ کا نفاذ 22 فروری 2024 کے بعد سے نافذ العمل ہوگا۔ اس نئے نظام کے تحت، ہر عمر کے سیاحوں کو سفری اجازت نامے کے لیے الیکٹرانک طور پر درخواست دینا ہوگی جس کی قیمت 10 پائونڈ ہے جس کے بعد ان کے سفری مقاصد کے لیے جاری کیا جائے۔ویزا کے ضوابط میں اس سٹریٹجک تبدیلی کا مقصد داخلہ کے طریقہ کار کو ہموار کرنا، ان ممالک کے شہریوں کے لیے جو برطانیہ کا دورہ کرنے کا ارادہ رکھتے ہیں، ہموار اور زیادہ قابل رسائی سفر کو فروغ دینا ہے۔
