پاکستان تحریک انصاف (پی ٹی آئی) کے امیدوار شہریار آفریدی نے انتخابی نشان بوتل ملنے پر پشاور ہائی کورٹ سے رجوع کر لیا، درخواست میں الیکشن کمیشن، ڈسٹرکٹ ریٹرننگ افسر اور ریٹرننگ افسر کو فریق بنایا ہے۔ پی ٹی آئی رہنما نے درخواست میں موقف اختیار کیا ہے کہ میں سابق وفاقی وزیر رہ چکا ہوں، سابق ممبران کو انتخابی نشان الاٹ کرنے میں فوقیت دی جاتی ہے اور امیدواروں سے رائے بھی لی جاتی ہے لیکن میری رائے نہیں لی گئی اور مجھے بوتل کا انتخابی نشان الاٹ کردیاگیا۔ درخواست کے متن میں کہاگیا ہے کہ ریٹرننگ افسر سے بار بار رابطہ کیا گیا لیکن کوئی جواب نہیں دیا گیا۔
