پنجاب میں دھند مزید کتنے دن برقرار رہے گی،ملک میں بارشیں کب سے متوقع؟ جانیے

پنجاب میں دھند مزید چار روز برقرار رہنےاور ملک میں بارشوں سے متعلق پیش گوئی سامنے آ گئی۔نجی ٹی وی کے مطابق موسماتی تجزیہ کار جواد میمن کا کہنا تھا کہ پنجاب میں دھند کو چھائے ایک ماہ ہو گیا ہے اور یہ سلسلہ مزید 4 روز جاری رہ سکتا ہے۔ انہوں نے شمالی علاقوں کے 40 سے 50 فیصد حصے میں بارشوں کا امکان بھی ظاہر کیا۔جواد میمن کا کہنا تھا کہ مغربی ہواؤں کا سلسلہ کشمیر ، گلگت بلتستان سمیت شمالی علاقوں میں بارش اور برفباری کا سبب بن سکتا ہے جبکہ پنجاب میں دھند میں بھی کمی آ سکتی ہے۔