تحریک انصاف کے 7 رہنماؤں کو جلاؤ گھیراؤ کیس میں اشتہاری قرار دے دیا گیا۔نجی ٹی وی کےمطابق لاہور میں انسداد دہشت گردی کی خصوصی عدالت میں 9 مئی کے دوران جلاؤ گھیراؤ کیس کی سماعت جج نوید اقبال نے کی۔ پولیس کی جانب سے دوران سماعت موقف اختیار کیا گیا کہ ملزمان روپوش ہیں اور تفتیش میں تعاون نہیں کر رہے ۔عدالت نے نامزد 7 ملزمان اعظم خان سواتی، مراد سعید، زبیر نیازی، امتیاز احمد شیخ، حامد رضا، فرحت عباس اور واثق قیوم کو اشتہاری قرار دے دیا۔ ملزمان کے خلا ف لاہور کے تھانہ سرور روڈ میں راحت بیکری کے باہر جلاؤ گھیراؤ کا مقدمہ درج کر رکھا ہے۔
