چینی اخبار ’’گلوبل ٹائمز‘‘نے دعویٰ کیا ہےکہ پاکستان میں بھارتی دہشتگردی کے واضح ثبوت موجود ہیں۔ اخبار کے مطابق بھارت خفیہ طور پر پاکستان میں دہشت گردقوتوں کی مالی معاونت کر رہا ہے، مزید لکھا کہ بھارت بلوچستان میں دہشت گرد فورسز کو مالی مدد اور اسلحہ فراہم کر رہا ہے، بھارت بلوچستان میں مقامی لوگوں کو بغاوت پر اکسا رہا ہے۔رپورٹ میں مزید کہا گیا ہے کہ پاکستان میں بھارتی دہشت گردی کی ایک طویل تاریخ موجود ہے،بھارت نے عالمی سطح پر پاکستان کے تشخص کو خراب کرنے کی مذموم کوششیں کیں، بھارت کا پاکستان میں دراندازی کا مقصد سرمایہ کاری روکنا ہے۔گلوبل ٹائمز کی رپورٹ کے مطابق بھارت کا دراندازی کا مقصد پاکستان کو فنانشل ایکشن ٹاسک فورس (ایف اے ٹی ایف) کی بلیک لسٹ میں شامل کرنا ہے۔
