پاکستان کے انرجی سیکٹر سیف انرجی لمیٹڈ نے آئل اینڈ گیس ڈویلپمنٹ کمپنی لمیٹڈ (او جی ڈی سی ایل) اور مری پٹرولیم کمپنی لمیٹڈ (ایم پی سی ایل) کے اشتراک سے کوہاٹ بلاک میں تیل و گیس کے نئے ذخائر دریافت کر لیے۔ نیوز ویب سائٹ کے مطابق 18نومبر 2023ءتک توغ 2نامی اس کنویں کی گہرائی 2ہزار 414میٹر تک پہنچ چکی تھی، جو کہ سیف انرجی لمیٹڈ اور اس کے پارٹنرز کا ہدف تھا۔ اس کے بعد تمام پارٹنرز کمپنیوں نے مزید ذخائر دریافت کرنے کے لیے کنویں کو مزید گہرا کرنے پر اتفاق کیا۔ اس کے بعد مزید کھدائی شروع کی گئی، جس کے نتیجے میں نئے ذخائر دریافت ہوئے۔سیف انرجی لمیٹڈ کے چیف ایگزیکٹو آفیسر جہانگیر سیف اللہ خان نے اس دریافت کو پاکستان کے خوش آئندہ اور یادگار قرار دیتے ہوئے کہا ہے کہ حکومتی اور نجی کمپنیوں کو اس دریافت کے حوالے سے مل کر کام کرنا چاہیے اور پاکستان کی ترقی و خوشحالی میں اپنا کردار ادا کرنا چاہیے۔
