بھارتی اداکار سشانت سنگھ راجپوت کی بہن شویتا سنگھ نے ایک آن لائن کمپین لانچ کی ہے تاکہ ان کے بھائی کی موت کی جلد تحقیقات ہوسکے۔اداکار اپنے ممبئی اپارٹمنٹ میں 14 جون 2020 کو مردہ پائے گئے تھے اور پولیس نے خودکشی کا امکان ظاہر کیا تھا۔انسٹاگرام پر ایک ویڈیو پیغام میں شویتا سنگھ نے لوگوں سے اپیل کی کہ وہ اپنی کلائی یا ماتھے پر سرخ کپڑا باندھ کر اپنی ویڈیو سوشل میڈیا پر ڈالیں تاکہ اداکار کی موت کی جلد تحقیقات کا تفتیشی ایجنسی سے مطالبہ کیا جاسکے۔اپنی پوسٹ کے کیپشن میں اداکار کی بہن نے سی بی آئی سے مطالبہ کیا کہ وہ سچائی کو سامنے لائیں اور تحقیقات جلد مکمل کریں۔واضح رہے کہ 14 جون 2020 کو سشانت سنگھ راجپوت ممبئی میں اپنے اپارٹمنٹ میں مردہ پائے گئے تھے اور پولیس نے خودکشی کا امکان ظاہر کیا تھا۔
