کاغان میں پھنسے ہزاروں سیاحوں کے انخلا کا سلسلہ جاری ہے،، ڈپٹی کمشنر مانسہرہ کے مطابق مانسہرہ میں مہانڈری کے مقام سے پل بہہ جانے کے باعث شاہراہ کاغان اب تک بند ہے،،، 400 سے زائد گاڑیوں کے قافلے پولیس کی حفاظت میں بابوسرٹاپ سے چلاس کے راستے روانہ کیے گئے ہیں، ڈھائی ہزار کے قریب سیاح کاغان ناران میں موجود ہیں جبکہ نئے سیاحوں کے وادی کاغان آنے پر مکمل پابندی عائد ہے۔انہوں نے بتایا کہ نئے پل کی تعمیر کے بعد وادی کاغان کو سیاحوں کے لیے کھول دیا جائے گا، وادی کاغان میں کھانے پینےکی اشیا وافر مقدار میں موجود ہیں، 24گھنٹوں میں متبادل راستے کا انتظام بھی کردیا جائے گا۔واضح رہے گزشتہ روز موسلا دھار بارش اور سیلابی ریلوں سے مانسہرہ میں مکانات، باغات، مساجد سمیت فصلوں کو شدید نقصان پہنچا تھا جبکہ مہانڈری کے مقام پر پل بھی بہہ گیا تھا۔
