ایس ای سی پی نے ملک میں انشورنس کے فروغ کے 5 سالہ منصوبے کے تحت ملک میں قدرتی آفات ، زراعت اور توانائی کے شعبوں میں بیمہ کی سہولیات فراہم کرنے کے پیش نظر، کمپنیوں کو انشورنس پول بنانے کی ہدایت کی ہے۔اس سلسلے میں بیمہ کمپنیوں کو انشورنس پول کے بارے میں رہنمائی فراہم کرنے کے لیے ایس ای سی پی نے “بیمہ شدہ پاکستان: پولز ڈائنامکس” رپورٹ جاری کی ہے ۔ رپورٹ کےمطابق رپورٹ پاکستان میں انشورنس سیکٹر کے موجودہ منظر نامے اور موجودہ سرکاری بیمہ سکیموں کا جائزہ لے کر پاکستان میں انشورنس پول قائم کرنے کی ضرورت پر زور دےگی ۔ رپورٹ میں بین الاقوامی کیس اسٹڈیز اور دیگر ممالک کے قوانین اور ریگولیٹری فریم ورک کا جائزہ لیا جائے گا۔
