خیبرپختونخوا (کے پی) کے کئی علاقوں میں 5.2 شدت کے زلزلے کے جھٹکے محسوس کیے گئے، پشاور اور اس کے گردونواح میں بھی زلزلے کے جھٹکے محسوس کیے گئے۔
زلزلہ پیما مرکز کے مطابق زلزلہ 212 کلومیٹر کی گہرائی میں آیا، اس کا مرکز افغانستان اور تاجکستان کے سرحدی علاقے کے قریب تھا۔
جانی یا مالی نقصان کی فوری طور پر کوئی اطلاع نہیں ہے۔ تاہم پشاور، مالاکنڈ، بٹ خیلہ اور لوئر دیر کے رہائشیوں کو زلزلے کے جھٹکے محسوس ہوئے۔
حکام صورتحال پر نظر رکھے ہوئے ہیں، حالانکہ زلزلے کے جھٹکے کم ہو چکے ہیں۔
دو ہفتے قبل کے پی کے مینگورہ اور اس کے گردونواح میں زلزلے کے جھٹکے محسوس کیے گئے تھے جن کی ابتدائی رپورٹ کی گئی شدت 4.1 اور گہرائی 213 کلومیٹر تھی۔
زلزلے کا مرکز افغانستان تاجکستان کے علاقے میں تھا جس کی گہرائی زمین کی سطح سے 213 کلومیٹر نیچے تھی۔
زلزلے کی شدت 4.1 ریکارڈ کی گئی جس کی وجہ سے متاثرہ علاقوں میں لوگ عمارتوں اور دکانوں سے باہر نکل آئے۔ تاہم ابھی تک کسی جانی یا مالی نقصان کی اطلاع نہیں ملی ہے۔
